ZURE SALTOKIA, GEURE BIZITZA. ANTSOAINEN EROSTEAK SARIA DU. BANATU DIRA GABONETAKO III. KANPAINAREN SARIAK

December 11, 2017

Ander Eugenia premiados  Joan den urtarrilaren 24an banatu ziren hain zuzen, udaletxeko osoko bilkuren aretoan. Kanpainak helburu du Antsoaingo txikizkako merkataritza zein ostalaritza bultzatzea eta garatzea.

Sarien banaketa ekitaldian, Ander Oroz alkateak eskerrak eman zizkien saritutakoei, herritar guztiei, saltokiei eta ostalaritzako guneei, kanpainari emandako erantzunagatik. Antsoaingo Merkataritza Elkarteak egindako lanaren balioa ere azpimarratu zuen alkateak, izan ere, Antsoaingo Merkataritza Mahaiak bultzatu duen ekimen honetan lankidetzan aritu da; eta, horrekin batera, urteko egun guztietan elkarteak herrian egiten duen lana ere eskertu zuen alkateak.

Ondoren, saria jaso zuen María Eugenia Arrizabalaga Salak: bi lagunendako kultur-txartela.Txartel horrek aukera ematen du, Antsoaingo Antzokian 2018an programaturiko kultura ikuskizun guztietara sartzeko (500 euro baino gehiago balio du sari horrek). Horrez gain, Udaleko zinegotziek beste sari batzuk ere banatu zituzten: Arantza Biurrun, Marta Diez, César de Luis eta Marco Antonio Álvarez aritu ziren eginkizun horretan; eta baita Josu Garin merkataritza elkarteko kidea ere. Nafarroako Erriberan egiten den Errigora kanpainako 3 produktu sorta eman zizkieten Jose Antonio Lecuonari, Zuriñe Casallo Echeverriari eta Pili Garria Garrizi. 30 euroko 15 erosketa-txartel ere eskuratu zituzten irabazleek. Kanpainan, 30 saltokik baino gehiagok parte hartu dute, eta erosketa-txartelak horietako 15 saltokitan erabiltzeko dira.

Ohar honen bidez, Antsoaingo Udalak berriz ere azpimarratu nahi du sektorea bultzatzeko konpromisoari eutsiko diola, garapenerako neurriak lantzen jarraitzeko.

__________________________________________________________________________________________________________________________________________________________________

https://youtu.be/VmFfHT0oQ64 .

Iritsi da!! Agindu bezala, hau da Udalak herriko merkatarien elkartearekin batera sortutako bideoa, sektorea suspertzeko eta bultzatzeko. Aurreratu genizuen moduan, oraingoan, gure saltzaile eta ostalariek saltokietako mostradore eta barren atzetik salto egin dute, beren alderdirik pertsonalenak guri erakusteko.

Eta gogoan izan! Guretzat “gure saltokiak” diren horiek “beren bizitzak” dira dendari eta ostalari horientzat.

Antsoainen erosita, denok irabazten dugu.

ANTSOAINEN EROSTEAK SARIA DU2017 campaña1 (1)

Abenduaren 11a eta urtarrilaren 5a bitartean, zure izen-abizenak eta telefono zenbakia erosketa txartelean idatzi, eta sartu saltokietan jarri duten kutxan.

Sariak hauek dira:

  • Bi lagunentzako kultur bono bat, 2018. urtean Antsoaingo Udalak antzokian programatzen dituen emanaldietara joateko.
  • ErriGora kanpainakoak diren Nafarroako Erriberako 3 elikagai sorta.
  • 15 sari gehiago: 30 euroko 15 erosketa txartel, kanpainan parte hartzen duzuen 15 saltokitan erabiltzeko.
Compartir en las redes sociales

<< atzera