Nolakoa zen Antsoain XX. mendearen erdialdean? Teresa Martirenaren hitzetan, \u201cbide batzuk eta errepidea auzolanean egin zirela gogoratzen dut\u201d. Justo Larumbek azaltzen duenez, \u201cIru\u00f1era oinez joaten ginen Kaputxinoetatik autobus bat jarri zuten arte\u201d. Era berean, Magdalena Fern\u00e1ndezek hurrengoa dio: \u201cneskak espaloian ibiltzen ginen txinatarrekin, tortolosekin eta kromoekin jolasean, eta mutilak futbolean aritzen ziren Divina Pastora zelaian\u201d.<\/p>\n
Testigantza horiek, beste 12 biztanleren kontakizunekin batera, udalerriaren ahozko memoriaren bilduman jaso dira eta Nafarroako Ondare Materiagabearen Artxiboan (Navarchivo) gordeko dira.<\/p>\n
Datorren ostiralean, ekainaren 7an, 19:00etan, bildutako lana Antsoaingo antzokian aurkeztuko da. Ekitaldian Marta D\u00edez alkateak, Abel Castillo, Labrit Ondareko Memoriaren Kudeaketaren arduradunak, eta Alfredo Asiain, Nafarroako Ondare Materiagabearen Artxiboko zuzendariak, parte hartuko dute. Halaber, proiektuan haien testigantza eskainiz parte hartu duten 15 pertsonak ekitaldira gonbidatuak izan dira, familiekin batera.<\/p>\n
27 elkarrizketa, 31 orduko memoriak, 849 oroitzapen<\/strong><\/p>\n Ondare Immaterialaren bilduma aldez aurretik hautatutako pertsona bakoitzaren bizitzari buruzko elkarrizketa pertsonalizatuak egitean oinarritzen da. Elkarrizketa horiei esker, Nafarroako udalerri ezberdinetako bizimoduari buruzko informazioa lor daiteke: familia-etxea, janzkera eta elikadura, herriko bizitza kolektiboa, ohiturak, bizilagunen arteko harremanak, auzolana, baliabide komunalen erabilera, garai hartako lanbideak, azokak, erlijioa edo jai-ospakizunak dira lanak jorratzen dituen gaietako batzuk.<\/p>\n Labrit ondarea-k, ahozko ondarearen bilketan espezializatutako enpresak, 15 elkarrizketa egin ditu ikus-entzunezko formatuan, 849 pasarte edo atal dituen 31 orduko grabazioa osatuz. Antsoaingo erretratua egiteko elkarrizketatu diren pertsonak hurrengoak izan dira:<\/p>\n