{"id":42077,"date":"2025-06-13T09:03:04","date_gmt":"2025-06-13T07:03:04","guid":{"rendered":"https:\/\/www.ansoain.es\/?post_type=noticias&p=42077"},"modified":"2025-06-18T10:26:09","modified_gmt":"2025-06-18T08:26:09","slug":"antsoainek-2024-2030-plan-estrategikoa-aurkeztu-du-garapen-jasangarria-eta-kohesio-soziala-sustatzeko-ibilbide-orri-parte-hartzailea","status":"publish","type":"noticias","link":"http:\/\/www.ansoain.es\/eu\/noticias\/antsoainek-2024-2030-plan-estrategikoa-aurkeztu-du-garapen-jasangarria-eta-kohesio-soziala-sustatzeko-ibilbide-orri-parte-hartzailea\/","title":{"rendered":"Antsoainek 2024-2030 Plan Estrategikoa aurkeztu du: garapen jasangarria eta kohesio soziala sustatzeko ibilbide-orri parte-hartzailea"},"content":{"rendered":"

Antsoaingo Udalak atzo aurkeztu zuen 2024-2030 Plan Estrategikoa, herritarrei irekitako ekitaldi batean. Joseba Asiain Albisu, Lehendakaritzako, Gobernu Irekiko eta Nafarroako Parlamentuarekiko Harremanetako zuzendari nagusia, bertan izan zen. Jardunaldia herriko antzokian gauzatu zen, eta ehunka pertsona inplikatu dituen partaidetza-prozesu bizi bati amaiera eman zion. Besteen artean, prozesuan udal-teknikariek, ordezkari politikoek, gizarte-kolektiboek eta herritarrek parte hartu dute, tailerren, inkesten, bilera tematikoen eta lantaldeen bidez.\u00a0<\/span><\/p>\n

Dokumentuaren garapena kolektiboa izan da eta urtebete baino gehiago iraun du. Helburua Antsoain pertsonen zaintzan, ingurumen-jasangarritasunean, ekitatean eta herritarren parte-hartze aktiboan oinarritutako udalerri bilakatzea da. Horretarako, udalerriaren ikuspegi partekatu bat sustatu nahi izan da, herritarrak erdigunean jarriko dituena eta zaintza ardatz gisa izanen duen gizarte inklusibo eta erresiliente bat eraikitzen lagunduko duena. Prozesuak Nafarroako Gobernuaren dirulaguntza jaso du. \u00a0<\/span><\/p>\n

Ardatz tematikoak eta ekintzak<\/b><\/p>\n

Plana zortzi ardatz tematikotan egituratuta dago: Zaintza, Genero Berdintasuna, Euskara, Kultura, Kirola, Hirigintza eta Iraunkortasuna, Sexu eta Genero Aniztasuna, eta Berrikuntza Soziala eta Gobernantza. Ardatz bakoitzaren barruan, helburu estrategikoak eta espezifikoak zehaztu dira, guztira 28 ekintza-ildotan islatzen direnak. Era berean, ildo horietatik abiatuta hainbat proiektu eta ekintza diseinatu dira, eta pixkanaka hedatzen joanen dira 2030. urtera arte.<\/p>\n

Jarduera nabarmenen artean, Zaintzaren ardatzean<\/b> \u201cAntsoain, Zaintzen duen Herria\u201d programa sendotzea eta zabaltzea aurreikusten da, arreta integral eta komunitarioan oinarritutako eredu batean zentratua. Halaber, haurren egoeraren, aniztasun funtzionalaren eta mendekotasunaren inguruko azterketa sakona burutuko da, indarrean dauden zerbitzuak birformulatzeko eta zabaltzeko helburuarekin. Azterlan hori abiapuntutzat hartuz, ekimen berriak antolatuko dira, hala nola boluntariotza-sareak, arreta emozionala, mendeko pertsonei zuzendutako laguntza, aldi baterako desgaitasunen aurreko zerbitzuak, familiek atseden hartzeko sare bat eta osasun mentaleko sare profesional bat. Adineko pertsonentzako eta gazteentzako bizitegi-irtenbideak ere bultzatuko dira.\u00a0<\/span><\/p>\n

Genero Berdintasunaren ardatzean<\/b>, Emakumeen Zirkulu bat diseinatzeaz gain, dokumentuak Berdintasun Plan berri bat garatzea proposatzen du, emakumeen enplegurako programak, ekintzailetzarako laguntza eta indarkeria matxistaren aurkako neurriak bilduko dituena. Ardatz honek genero berdintasuna eta aniztasun sexualarekin lotutako politiken zeharkako ikuspegia ere barne hartzen du, prestakuntza- eta sentsibilizazio-ekintzak planteatzearekin eta maskulinotasun berrien inguruko talde bat sortzearekin batera.\u00a0<\/span><\/p>\n

Euskararen erabilera sustatzeko <\/b>helburua \u201cAntsoaingo Euskara Taldearen\u201d sorreran, Euskararen Plan Estrategiko baten diseinuan eta euskaltegi propioa sortzeko azterketan islatuko da.\u00a0<\/span><\/p>\n

Kulturaren esparruan<\/b>, Udalaren Kultura Plana garatuko da, osatu berri den Kulturaren Mahaiaren laguntzarekin. Talde horrek interesa duten erakundeak, kolektiboak eta herritarrak bilduko ditu, udalerriko politika kulturalak kolektiboki diseinatzeko helburuarekin. Aurreikusitako jardueren artean, honakoak nabarmentzen dira: egoitza artistikoak, tokiko artisten mapa bat, espazio publikoan kokatutako agertoki ireki bat, kultura-marka bateratu baten diseinua, udalerriko kultura- eta nortasun-elementuak identifikatzeko partaidetza-proiektu bat, eta kulturarako berdintasunezko sarbidea bermatzeko neurri espezifikoak, batez ere aniztasun funtzionala duten edo zaurgarritasun egoeran dauden pertsonei zuzenduta.<\/p>\n

Kirolaren ardatzari <\/b>dagokionez, hurrengo neurriak planteatzen dira: udaleko kirol-instalazioak hobetzea, handitzea eta berrantolatzea, espazio publikoan kokatutako kirol-guneak garatzea, belaunaldi ezberdinen artean ariketa fisiko inklusiboa sustatzeko, \u201cKirol errezeta\u201d ekimena sendotzea, Kirolaren Mahaia sortzea, gazteei, nerabeei, emakumeei, adinekoei eta kolektibo zaurgarriei zuzendutako programak indartzea, eta tokiko klubei laguntza ekonomikoa eta teknikoa ematea.\u00a0<\/span><\/p>\n

Hirigintza eta iraunkortasunaren <\/b>kasuan, planak hainbat ekintza bultzatzen ditu, hala nola tokiko energia-komunitate bat osatzea, Ezkaba eta Argaren artean korridore berde bat eraikitzea, gazteentzako alokairuko etxebizitzak sustatzea, udalerriko espazio publikoa berrantolatzea eta hiri-baratze komunitario bat sortzea.<\/p>\n

Amaitzeko, Berrikuntza Soziala eta Gobernantzaren ardatzak <\/b>partaidetzan oinarritutako gobernantza eredu bat ezartzea aurreikusten du, esperientzia pilotuen, foro tematikoen, formakuntzaren eta tresna digitalen bidez, herritarrek erabakiak hartzeko aukera gehiago izan ditzaten. Bestalde, beste erakunde eta administrazio batzuekiko lankidetza bultzatzea proposatzen da, baterako proiektuak garatzeko.\u00a0<\/span><\/p>\n

Prozesu parte-hartzailea eta adostua<\/b><\/p>\n

Edukiagatik ez ezik, Plana erabilitako metodologiagatik ere nabarmentzen da. Guztira, ehun pertsona baino gehiagok parte hartu dute talde tematiko, politiko, tekniko eta sozialetan. Bilera horiez gain, diagnostiko teknikoak eta inkestak egin dira, beste ehunka pertsonen esku-hartzeari esker. Gainera, Osasun Zentroa edo Gizarte Zerbitzuen Mankomunitatea bezalako erakundeek ere Planean lagundu dute.\u00a0<\/span><\/p>\n

Marta D\u00edez Napal alkateak aurkezpenean adierazi zuen bezala, \u201cilusio handiko prozesua izan da. Izan ere, gizarteko sektore guztiek izan dute ahotsa eta erabakiak hartzeko gaitasuna, eta etorkizunean eraiki nahi duten Antsoain horri buruz hitz egin digute. Eskerrak eman nahi dizkiet prozesuan zehar haien ideiak partekatu dituzten pertsona guztiei, eta jasotako proposamen guztiak planean lekua aurkitu dutela azpimarratu nahi dut\u201d.<\/p>\n

Udalak plana bizirik dagoen tresna baten moduan ulertzeko konpromisoa berretsi zuen. Zentzu horretan, dokumentua aldizka ebaluatu eta eguneratuko da herritarren parte-hartzearekin, ardatz tematiko bakoitzean sortutako Mahaien eta partaidetza hori errazteko kanalen bidez. \u201cOrain dator faserik garrantzitsuena: neurri horiek praktikan jartzea, komunitate guztiaren zein beste erakunde eta entitate batzuen laguntzarekin. Antsoain iraunkortasunetik eta ekitatetik abiatuta hazten jarraitzea nahi dugu\u201d, azpimarratu zuen alkateak.\u00a0<\/span><\/p>\n

Dokumentu osoa udalaren webgunean (www.ansoain.es<\/a>) eskuragarri egonen da, eta bertan ere herritarren ekarpenak jasoko dira.\u00a0<\/span><\/p>\n