Gaurko Osoko Bilkurak lehen urratsa egin du kirol-instalazioak handitzeko proiektua idazteko eta jarduketaren bideragarritasuna aztertzeko. Halaber, hainbat kaleren berrurbanizazioa eta Antsoain Iru\u00f1erriko Mankomunitatearen bizikleta elektriko partekatuaren eskualde-zerbitzu berrian sartzea jorratu ditu.<\/b><\/p>\n
Antsoaingo Udalak lehen urratsa egin du gaur kirol-instalazioak handitzeko aukerak eta bideragarritasuna aztertzeko. Ohiko Osoko Bilkuran 51.053 euroko aurrekontu-aldaketa bat onartzeko proposamena aurkeztuko da, jarduketa horren proiektua idazteko. Jarduketa lehentasunezkotzat jotzen da Antsoaingo 2026-2030 Plan Estrategikoan.<\/p>\n
Handitzea gauzatuz gero, instalazioaren erabilerak azken urteotan izan duen hazkunde handiari erantzunen dio. Obrei esker, gimnasioa handitu ahal izanen litzateke \u2014egunean 300 erabiltzaile ditu batez beste\u2014, eta udalaren beste jarduera batzuk garatzeko espazio berriak sortu, hala nola kirol-errezetarako, gero eta eskaera handiagoa baitu.<\/p>\n
Txosten teknikoek instalazioak futbol-zelaiaren ondoko fatxadaren aldera handitzea proposatzen dute, eraikinaren ezaugarriak kontuan hartuta bideragarritzat jotzen den aukera baita. Proposamenak 500 metro koadro eraiki inguru gehitzea aurreikusten du. Fatxada futbol-zelaiaren mugatik hurbilera arte zabalduko litzateke, eta beheko solairuan ataripe bat sortuko litzateke, oinezkoentzako pasabide izateko eta futbol-partidetara joaten diren pertsonei babesa emateko.<\/p>\n
Jarduketa gauzatu ondoren, areto berriak eta gimnasiorako espazio zabalago, irekiago eta funtzionalagoa izanen lirateke, eta haren banaketa hobetuko litzateke.<\/p>\n
Hasierako zenbatespen ekonomikoaren arabera, jarduketaren kostua 1,4 milioi euro ingurukoa izanen litzateke, BEZa barne.<\/p>\n
1,2 milioi euro baino gehiago hainbat kale berrurbanizatzeko<\/b><\/p>\n
Osoko Bilkuran onartuko diren gai nagusietako beste bat Nafarroa, Arturo Campi\u00f3n eta Harrobi kaleetako eta haien inguruneko sareak berritzeko eta berrurbanizatzeko obren finantzaketa izanen da. Obren aurrekontua 1.252.529,04 eurokoa da.<\/p>\n
Jarduketak gehienez 531.464,55 euroko ekarpena izanen du Nafarroako Gobernuaren 2026-2028 Tokiko Inbertsioen Planaren bidez. Gainerako 721.064,49 euroak epe luzeko kreditu-eragiketa baten bidez finantzatzea aurreikusten da.<\/p>\n
Antsoainek bizikleta elektrikoaren eskualde-zerbitzuan sartzea eskatu du<\/b><\/p>\n
Bilkuran, Antsoain Iru\u00f1erriko bizikleta elektriko publikoaren zerbitzu berrian sartzeko eskaera onartu da.<\/p>\n
Horri esker, udalerria Iru\u00f1ean eta zerbitzuari atxikitzea eskatzen duten Iru\u00f1erriko udalerrietan ezarriko den sistema partekatuaren parte izanen da.<\/p>\n
Horretarako, Udalak zerbitzua kudeatzeko beharrezko eskumenak Iru\u00f1erriko Mankomunitateari transferitu beharko dizkio.<\/p>\n
Antsoainentzat lehen urtean aurreikusitako kostua 62.966,67 eurokoa da. Zenbateko horren barruan sartzen dira bai zerbitzuaren funtzionamenduari dagokion ekarpena, bai udalerrian aurreikusitako oinarriaren instalazioa.<\/p>\n
Kanpo-bitartekaritza Udaltzaingoan<\/b><\/p>\n
Osoko Bilkurak, halaber, 8.100 euroko aurrekontu-aldaketa bat jorratu du, Udaltzaingoan kanpo-bitartekaritzako zerbitzu profesional bat kontratatzeko. Esku-hartzearen helburua lan-giroa hobetzea eta akordioetan nahiz zerbitzuaren antolaketan aurrera egiteko baldintzak sortzea da.<\/p>\n
Gai-zerrenda osatzeko, besteak beste, Ezkaba ikastetxe publikoaren garbiketarekin lotutako aurrekontu-aldaketa bat eta 22. poligonoko 309. lurzatiko HJBP baten behin betiko onespena jorratu dira.<\/p>\n","protected":false},"author":2,"featured_media":44507,"template":"","format":"standard","meta":{"_edit_lock":["1787929079:2"],"_edit_last":["2"],"destacado":[""],"imagenslia":[""],"subti":[""],"barra":[""],"mostrar_barra":["1"],"_wpml_media_duplicate":["1"],"_wpml_media_featured":["1"],"_thumbnail_id":["44507"],"_yoast_wpseo_primary_categorianoticias":[""],"_yoast_wpseo_content_score":["60"],"_yoast_wpseo_estimated-reading-time-minutes":["0"],"_wpml_word_count":["610"]},"class_list":["post-44508","noticias","type-noticias","status-publish","format-standard","has-post-thumbnail","hentry","categorianoticias-actualidad-eu"],"yoast_head":"\r\n