SCNO2k eta Dantzaz-ek sorkuntza koreografikoa eta zinema uztartu dituzte formatu berritzaile batean: saio berean, izan ere, ikus-entzunezko emanaldi batez eta dantza-ikuskizun batez gozatzeko aukera izanen dugu. Besaulkietan eserita, ikusleek Beñat Gerekak ondutako ‘Basotik Itsasora’ film dokumentalaren 30 minutuko laburpena ikusiko dute. Filmak, iraganaren eta orainaren arteko mugak gainditzen dituen ikuspegi batetik, giza migrazioak eta errefuxiatuek jasaten duten drama erretratatu ditu.