Ayuntamiento de Ansoáin / Antsoaingo Udala

Mugikortasuna 

• Foru Komunitate osoan baimenduta, baina beste probintzietara ez.
• Ibilaldiak eta kirola edozein ordutan egin ahal izango dira, adineko pertsonentzat eta pertsona kalteberentzat gordetako ordutegi-tarteetan izan ezik (10:00etatik 12:00etara eta 19:00etatik 20:00etara).
• Etxeetan edo aire zabalean egiten diren bilerak gehienez 15 lagunera zabaltzen dira, elkarrekin bizi ez badira.
• Leku irekietan zein itxietan, nahitaez erabili behar da maskara, 2 metroko segurtasun-distantzia mantendu ezin denean.
• Gehienez ere 20 pertsonako turismo aktiboko eta naturako jarduerak baimenduta daude, betiere empresa-espezializatuen bidez eta aurretiko hitzorduaren bidez.

 

Gizarte zerbitzuak

• Autonomia-erkidegoek baimena eman ahal izango diete tutoretzapeko etxebizitzetako, desgaitasuna duten pertsonentzako egoitza-zentroetako eta adinekoentzako egoitza-zentroetako egoiliarrei bisitak egiteko, aldez aurretik hitzordua eskatuta.
• Gainerako neurriak, 1. fasean bezala.

 

Saltokiak 

• Baimendutako gehieneko edukiera ehuneko 40-ra zabaltzen da.
• Merkataritza-gune handiak berriz irekitzen dituzte, ehuneko 40-ko edukiera mugatuta dendetan, eta ehuneko 30 inguru komunetan, ibiltzeko bakarrik erabil daitezkeenak.
• Gainerako neurriak, 1. fasean bezala.

 

Tabernak eta jatetxeak 

• Lokalaren barruan kontsumitzea baimentzen da. Edukiera gehienez ehuneko 40koa izango da, mahaietan bakarrik eta barra erabili gabe.
• Jatekoa eta edatekoa eska daiteke establezimenduan bertan eramateko.
• Ezin da diskotekarik edo aisialdirako tabernarik ireki.
• Terrazetarako gainerako neurriak, 1. fasean bezala

 

Liburutegiak (*)

• Liburuak aretoan kontsultatu ahal izango dira, betiere baimendutako edukieraren herena gainditzen ez bada.
• Ordenagailuak eta bitarteko informatikoak erabil daitezke, eta, erabili ondoren, garbitu eta desinfektatu egiten dira postuak.
• Gainerako neurriak, 1. fasean bezala.

(*)Liburutegiaren irekiera Liburutegien Zuzendaritza Nagusiaren esku dago.

 

Ikuskizunak

• Ikuskizun itxiak baimentzen dira,  betiere baimendutako edukieraren herena gainditzen ez badute.
• Guztira, ezingo dira 50 pertsona baino gehiago egon, eta aire zabalean badaude, 400 pertsona gehienez, beti eserita.

 

Igerilekuak (*)

• Irekitzeko aukera, instalazioaren edukieraren ehuneko 30eko gehieneko edukierarekin.
• Aldez aurretik hitzordua eskatu behar da.
• Garbiketa-prozedura bereziak.
• Aldageletako dutxak eta ur-iturriak ezin dira erabili.

(*) Antsoaingo Udala igerilekuak eta gimnasioa berriz irekitzeko prozedurekin ari da lanean, eta horretarako dataren berri emango du posible denean.

 

Ezkontza-zeremoniak 

• Mota guztietako instalazioetan egin ahal izango dira, publiko zein pribatuetan, betiere edukieraren ehuneko 50 gainditzen ez bada.
• 100 laguneko edukiera aire zabaleko espazioetan, edo 50 lagunekoa espazio itxietan.

 

Beilatokiak eta ehorzketak

• Aire zabaleko beilatokietara gehienez 25 pertsona joan daitezke.
• Barruko beilatokietarako, gehienez ere 15 pertsona.
• Ehorzketa-segizioetara gehienez 25 pertsona joan ahal izango dira, gehi zerbitzu-emailea.

 

Kultu-lekuak

• Baimendutako gehieneko edukiera ehuneko berrogeita hamarrera handitzea, 1. fasean aurreikusitako neurriekin.

 

Kartela