Ayuntamiento de Ansoáin / Antsoaingo Udala

Administrazio Publikoen Administrazio Prozedura Erkidearen urriaren 1eko 39/2015 Legearen 133. artikuluan aurreikusitakoarekin bat etorriz, kontsulta publikoa irekitzen da 2020ko abenduaren 14ra arte, hala uste duten pertsona, erakunde eta elkarteek beren iritziak eman ditzaten HIRI-LURZORUAN, LURZORU URBANIZAGARRIAN ETA URBANIZAEZINEAN LURRAK ETA ORUBEAK GARBITZEA ARAUTZEN DUEN ORDENANTZAREN PROIEKTUARI ETA ORUBEEN HESIARI BURUZ, honako gai hauek arautu nahi baititu:

– Era guztietako lurren jabeek, Lurraldearen Antolamenduari eta Hirigintzari buruzko Foru Legearen testu bategina onartzen duen uztailaren 26ko 1/2017 Legegintzako Foru Dekretuaren 85.1 b) artikuluan ezarritako segurtasun, osasungarritasun, apaindura publiko eta bizigarritasun baldintzetan edukitzeko betebeharra garatzea.

-Orubeak garbitu eta behin-behinean hesitzeko baldintza material eta formalak arautzea.

-Antsoaingo udal mugapeko lurren garbiketa arautzea.

-Hondakinak botatzeko debekua garatzea.

– Arau-hauste eta zehapen egokiak ezartzea.

– Ordezko betearazpena ezartzea, zenbait jaberen jarduerarik ezari aurre egiteko udal-erantzun gisa.

-Udalak lanak egiteko erraztasunak ematea, dagokion aurrekontu-zuzkidura egin ondoren.

Proposamenak eta ekarpenak honako postontzi elektroniko honen bidez bidaliko dira: ansoain@ansoain.es