Ayuntamiento de Ansoáin / Antsoaingo Udala

Nafarroako Toki Ogasunei buruzko Foru Legearekin eta Diru-bilketaren Araudiarekin bat, jakinarazten da 2023ko azaroaren 20an bukatzen dela epea honako hau borondatez ordaintzeko:  Landa- nahiz Hiri-lurren gaineko Zergaren 2023. urteko likidazioaren bigarren zatikapenari dagozkion kuotak. Baita, hala badagokio, Jarduera Ekonomikoen, Pasabideetako eta Bide Publikoko Okupazioetako 2023ko Zergak.

Ordainketa honako entitate hauen edozein bulegotan egiten ahalko da, betiere bulego bakoitzaren ordutegian eta kasuan kasuko ordainagiria aurkeztuta: Caixabank, Laboral Kutxa eta Nafarroako Rural Kutxa.

Halaber, ordainketa Internet bidez ere egin daiteke, Antsoaingo Udalaren webgunean (www.ansoain.es); bai eta Udaleko Diruzaintzan ere (Udaletxeko Plaza,1) eta 948012012 telefonoan.

Azaroaren 20an, helbideratuta dauden ordainagiriak zergadunek emandako kontuetan zordunduko dira.

Behin epe hori iraganda, interes legalak eta gainkarguak aplikatuko dira eta premiamendu bidez kobratzeko izapideak eginen dira.

Landa- eta Hiri-lurren gaineko Zergaren 2023. urteko likidazioaren kontra, honako errekurtso hauetako bat paratzen ahal da, aukeran:

1. a) Berraztertzeko errekurtsoa, egintza zein organok gauzatu eta horri berari zuzendua, hilabete bateko epean, borondatezko ordainketa egiteko mugaegunetik aitzina.
2. b) Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, borondatezko ordainketa egiteko mugaegunetik aitzina.
3. c) Gora Jotzeko errekurtsoa, Nafarroako Administrazio Auzitegiari zuzendua, hilabete bateko epean, borondatezko ordainketa egiteko mugaegunetik aitzina.