Prebentzio-neurri berriak 54/2020 Foru Aginduaren ondorioz – Bandoa 2020/10/13
UDAL BANDOA ANDER ANDONI OROZ CASIMIROK, ANTSOAINGO UDALEKO ALKATE UDALBURUAK
JAKINARAZTEN DU:
Osasuneko sailburuaren urriaren 11ko 54/2020 Foru Aginduaren bidez, honako prebentzio-neurri hauek onartu dira Nafarroako Foru Erkidegoan, COVID-19tik eratorritako egoera epidemiologikoaren bilakaeraren ondorioz:
Ostalaritza eta Jatetxeak:
– Barneko edukiera, gehienez ere % 30a
– Kontsumoa beti mahaian
– Terrazen edukiera gehienez ere % 50
– Gehienez 6 laguneko taldeak, 1,5 metroko tartea utzita beste mahai batzuetako aulkien artean.
– Ixteko ordutegia 22etan izango da, hustea barne.
– Nahitaezko maskara uneoro erabiltzea, kontsumitzeko berariazko unea izan ezik.
Txikizkako merkataritza-establezimenduak eta lokalak eta jarduera eta zerbitzuetakoak: gehieneko edukiera %40.
Haur-parkeak eta aire zabaleko kirol-eremuak: gehieneko edukiera % 30.
Bilerak eremu publikoan eta pribatuan: gehienez 6 pertsona.
Joko eta apustu-lokalak: gehieneko edukiera %30 eta ixteko ordutegia 22: 00etan, hustea barne.
Ekitaldietarako funtzio anitzeko lokalak dituzten establezimenduak:
– Ekainaren 19ko Nafarroako Gobernuaren Akordioan ezarritako higiene-arauak aplikatzen dira.
– Gehienez 6 pertsona lokalean, bizikideak izan ezik. Titularrak kontrol presentzial etengabea bermatzen badu, gehieneko edukiera % 30 izango da (gehienez 6 pertsona mahaietan).
– kontsumoa mahaietan.
– Maskara uneoro erabiltzea eta pertsonen arteko distantzia mantentzea.
– Ezin izango da dantzarako erabili.
– Ixteko ordutegia 22:00etan
Elkarte gastronomikoak eta Peñak: jarduera bertan behera mantentzen da.
Biltzeko lokalak: jarduera bertan behera mantentzen da.
Alkoholaren salmenta: debekatuta 22: 00etatik 08: 00etara jendearentzako establezimendu guztietan.
Herritarren betebehar orokorra osasun-neurri prebentiboak betetzen aktiboki laguntzea.
Argitara ematen da, herritarrek jakin dezaten.
Antsoain, 2020ko urriaren 13an.