Ayuntamiento de Ansoáin / Antsoaingo Udala

Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.
2022ko azaroak 29

San Kristobal gotorlekuaren ihesaren oroimenezko eskultura instalazioa

Foto noticia

Egun hauetan, Antsoaingo Udaleko Bizikidetza Batzordetik sortutako “Memoriaren Ibilbideak” proiektua osatzen duten eskultura eta beste elementu batzuk instalatzen ari dira. Proiektua interesa duten hainbat kolektibo eta pertsonaren laguntza jaso du, hala nola TXINPARTA-FUERTE SAN CRISTÓBAL ELKARTEA, MEMORIA KOLEKTIBOAREN SAREA elkartearena eta Amaia Kowasch Velascorena, “Sareak ehotzan: emakume solidarioak eta militanteak San Kristobal gotorlekuko presoekin” liburuaren idazlearena.

Proiektu honen garapenarekin, beste urrats bat eman da gure herrian, 1938ko maiatzaren 22an San Kristobal gotorlekuan izandako ihesaren eta erregimen frankistak bidegabeki errepresaliatutako pertsona guztien oroitzapena sinbolizatu nahi duen eskultura bat jarriz. Kartzela hartako izugarrikerien lekuko mutua izan zen Antsoain, gertutasunagatik. Felix eta Julian Lizarraga dira obra honen egileak, eta “Ihesa – Fuga” izena jarri diote. Oroimenaren ibilbide horren zati bat da, eta Harrobi Gazteleku Etxearen ondoan kokatutako hamahiru arrosak oroitzeko lorategi-egitura kiribildua sortzea izan zen lehen mugarria. Herritar guztientzat irekia izango den eskultura honen inaugurazio publikoa oraindik zehazteke dagoen data batean egingo da. Egindako lanak Nafar Gobernuko Herritarrekiko Harremanetako Departamentutik jasotako diru laguntza eta Antsoaingo udalak bideratutako diru horniketaren bitartez garatzen dira.

NOTICIAS RELACIONADAS

Imagen Oharra: zero azpiko tenperaturengatik

Oharra: zero azpiko tenperaturengatik

Azken orduetan izandako elurtearen ondoren, hurrengo egunetarako zero azpiko tenperaturak espero dira. Hori dela eta, herritarrei jakinarazten zaie: Antsoaingo Udalaren...

Facebook
Twitter