Egungo belaunaldientzat guztiz berria den egoera bat bizitzen ari gara. COVID-19k sortutako osasun krisiak eta ekonomiaren eremuan ekarriko dituen ondorioek, maila guztietan zaila izanen den etapa bati aurre egin beharrean jartzen gaituzte; eta alderdi asko berrasmatzera behartuko gaitu egoera honek, orain eta etorkizunean indartsuagoak izateko baliogarri gertatuko zaigun ezer ikasiko badugu.

Beti esaten dugun bezala, merkataritza txikia funtsezkoa da herri osasuntsu bat garatu eta mantentzeko, bai arlo sozialean eta baita ekonomikoan ere; eta krisi aste hauetan, zerbait frogatzen ari bada, hurbileko erosketaren, arreta pertsonalizatuaren eta konfiantzaren balioa da, eta zein garrantzitsua den tokiko merkataritza bizirik egotea.

Krisi hau, hain zuzen, ez litzateke gauza bera izanen tokiko merkataritzarik gabe. Bizirauteko behar ditugun oinarrizko elementuei eusteko lan egiten duten pertsonek eta ixteko ahalegina egiten ari diren establezimenduek herri honekiko konpromiso argia erakusten digute. Eskerrak eman nahi dizkizuegu egiten ari zareten ahalegin kolektiboagatik.

Gauza askoren falta sumatzen ari gara, eta horrek agerian jartzen du tokiko merkataritzaren garrantzia noraino heltzen den. Nork ez du dendarien kontaktuaren hutsa sentitzen? Nork ez du faltan sumatzen gure herriko tabernetan, jatetxeetan eta ileapaindegietan berriketan aritzea? Eta irekitako dendekin parkeen inguruan sortzen den bizitasuna? Edo gure gorputzak gimnasioetan edo fisioterapia-zentroetan arintzea? Herrian bertan irakaskuntzarako laguntza jasotzea, loreen alaitasuna ikustea, kalitatezko jantziak erostea, egun hauetan ordenatu ditugun argazkiak inprimatzea edo liburu bat erostea, adibidez? Nork ez du huts hori sumatzen? Horien eta gainerako jarduera guztien falta sentitzen dugu, denak baitira beharrezkoak.

Herri baten osasuna parametro askotan neurtzen da, eta merkataritza txikia gure komunitatearen elementu bizi gisa kontuan hartzen jarraitu nahi dugun parametro sozial horietako bat da.

Horregatik, ekimen honen bidez, zurekin harremanetan jarri nahi dugu, bizi duzuen egoera, zalantzak, hausnarketak eta abar ezagutzeko, eguneroko jardunera itzultzeko prestatu ahal izateko zuen sektoreari aktiboki entzunda. Horretarako, galdera hauek prestatu ditugu, eta aldez aurretik eskertzen dizkizuegu erantzunak. Sarrera honen bukaeran, abian jarritako ekimenetarako esteka interesgarriak ere jaso ditugu, bai eta egoera horren aurrean erantzundako zalantzak ere.

GALDERAK:

Egoki iruditzen zaizkizunak erantzun gabe uzteko aukera duzu.

IFK edo NAN. (Datu horrek iturria kontrastatzeko aukera emanen digu).

Sektorea (10 talde bereizi ditugu, eta “ beste bat” taldea).

Jarduera ekonomikoaren egoera murrizketen indarraldian.
Irekita, etenik gabeTxandaka irekitaTelematikoki edo eskaeraren arabera irekitaItxitaED/EDEBeste batzuk*

* Beste batzuen kasuan, azaldu laburki zure negozioak bizi duen egoera:

Langile kopurua:
1-34-66-1010-20+20ED/EDE

Osasun krisialdiak eragindako lan egoera (ERTE, kaleratzea, etab.):
Aldi Baterako Enplegu Erregulazioko Espedienteak, ABEEE (ERTE)Kaleraketa partzialak. Enplegu Erregulazioko Espedienteak (ERE)Ixtea aztertzen ari naizBerdin jarraitzen dutED/EDE

Lokala:
Jabetzan daukatAlokatuta

Hornitzaileen ordainketak atzeratzerik izan duzu?
BaiEz

Administrazio izapideak egiteko laguntza behar duzu?
BaiEz

Zalantzak, galderak eta gogoetak:

DATU PERTSONALEN TRATAMENDUA:

Antsoaingo Udala da kontsulta honen erantzunetan ematen diren datu pertsonalen tratamenduaren arduraduna.

Tratamenduak helburu du gure herriko merkatariak aktiboki entzutea, alarma egoerak eragindako itxialdiaren ondoren, jarduna berreskuratzeko prestaketak egin ahal izateko.

Eskubidea: udal bulegoetan edo ansoain@ansoain.es helbidean.

Informazio gehiago gure webgunean: http://www.ansoain.es/eu/general/aviso-legal/

INTERESEKO LOTURAK:

1. LEGEZKO NEURRIAK:

Foru Lege Dekretu berria onartu du, hirugarrena, eta, bertan, neurri-sorta berri bat jasotzen da COVID-19aren osasun-krisiak eragindako inpaktuari erantzuteko.

2. OHIKO GALDERAK:

OSASUN ARLOAZ BESTEKO KORONABIRUSARI BURUZKO OHIKO GALDERA.

3. NEURRI BERRIAK:

Gobernuak hirugarren neurri-sorta onartu du koronabirusaren (COVID-19) osasun-krisiak eragindako inpaktuari erantzuteko.