ANTSOAIN ZAINTZEN DUEN HERRIA              

Antsoain zaintzen duen herria, zainketak ardatz nagusi dituen eta bizi-etapa guztietan garapen osasungarria lortzea helburu duen programa komunitarioa da. Horren bidez, belaunaldien arteko ikuspegiarekin eta diziplinarteko ikuspegiarekin lan egiten da, betiere genero-ikuspegia oinarri hartuta sare-lanean. Horri esker, proiektuak benetako erantzuna eman ahal die udalerriaren, haren pertsonen eta bertan dauden zerbitzuen beharrei.

Eguneko Egoitza Komunitarioak

“Antsoain, zaintzen duen herria” programaren barruan, Eguneko Zentro Komunitarioen proiektua dago. 60 urtetik gorako eta/edo dibertsitate funtzionala duten pertsonei zuzenduta dago, garapen osasungarria sustatzeko eta gaitasun funtzionala bultzatzeko, pertsonak aktibo, autonomo eta independente egon daitezen ahalik eta denbora luzeenean.

Horretarako, eguneko bi zentro komunitario ditugu: Ostoki eta Lapurbide.

Lapurbide lokalaren helburua kolektibo horretako pertsonek eta haien ingurukoek dituzten behar, zalantza eta iradokizunei erantzutea da.
Horretarako, hainbat gune ditugu:

– Aisialdiko jarduerak egiteko guneak: eguneroko prensa eta aldizkariak irakurtzeko gunea,  liburuen trukea, estimulazio kognitiboko jarduerak, gizarte-harremanak hasteko eta aisialdiko jarduerak egiteko guneak.

– Lotune teknologikoa: Hainbat ekipo informatiko daude behar teknologikoei erantzuteko, prestakuntzari zein aisialdiari dagokienez.

– Adinekoentzako eta/edo dibertsitate funtzionala pertsonentzako informazio-gunea: Antsoaingo adinekoek eta/edo dibertsitate funtzionala duten pertsonek dituzten eskaerei eta beharrei erantzuteko abian jartzen den zerbitzua da.

Zer aurki dezakegu bertan?

– Zahartze aktiboari buruzko informazioa jasotzeko gunea, herriko eta inguruetako jardueren eta aisialdiaren eskaintza ezagutzeko.
– Teknologia berriei buruzko informazioa eta hauekiko laguntza lortzeko gunea.
– Herrian dauden baliabide eta zerbitzuei buruzko informazioa.
– Iradokizunak eta eskaerak egiteko lekua.
– Egunerokoan sortzen diren zalantza, kontu eta beharretan laguntzeko gunea.

Lapurbide zentroaren irekiera ordutegia: Astelehenetik ostiralera, 9: 00-13:00/16: 00-20:00
Helbidea: Divina Pastora, 14, 31013 Antsoain (Nafarroa)

Ostoki lokalaren helburua kolektibo honetako pertsonek eta haien ingurukoek dituzten behar, zalantza eta iradokizunei erantzuna ematea da.

Horretarako, hainbat gune ditugu:

– Irakurketa-gela: eguneroko prentsa, liburutegiko aldizkari eta liburuak eta estimulazio kognitiboko jarduerak dituen irakurketa-gunea.

– Aisialdiko jarduerak egiteko hainbat gune: mahai-jolasekin prestatutako gunea, mota guztietako jarduerak egiteko prestatutako gelak (kirol-, kultura-, jolas- eta arte-jarduerak…).

– Informazio-gunea: eskuragarri dauden jardueren, hitzaldien, tailerren, filmen eta abarren berri ematen duten panelak ditugu.

Zerbitzua astelehenetik ostiralera ematen da 10:00etatik 12:00etara Lapurbide lokalean.

Zerbitzuaren helburu orokorrak:

-Helburu orokorra: Adinekoen eta/edo dibertsitate funtzionala duten pertsonen parte-hartze aktiboa.

-Helburu orokorra: Mendekotasun-egoerak prebenitzea, zahartze aktiborako neurriak sustatuz.

-Helburu orokorra: Adinekoei eta/edo dibertsitate funtzionala dutenei tratu ona ematea sustatzea, pertsonak lotuko dituen eta osasuna eta ongizatea bultzatuko dituen sareko gizartea sustatuz.

Ostoki zentroaren irekiera ordutegia: Astelehenetik igandeara, 16:00-20: 30
Helbidea: Ostoki kalea, 12, 31013 Antsoain (Nafarroa)

Telefonoa: 948 14 99 98

Emaila: cuidados@ansoain.es

“2023-2024ko jarduerak – Aldizkarirako esteka”
__________________________________________________________________________

EZKABAKO JUBILATU ETA PENTSIODUNEN ELKARTEA

Elkartearen helburua, egiten dituzten proposamenen bidez, adinekoen gizarte- eta kultura-ongizatea sustatzea da.

Bazkide egin nahi duten pertsonak bulegora hurbildu beharko dute.
Ordutegia: astelehen, astearte eta ostegunetan 11:00etatik 12:00etara Lapurbiden.
Mugikorra: 624 62 21 46 Finkoa: 948 36 32 99

JARDUERAK

URTE OSOKO TXANGOAK: bisita kulturalak, hondartzara irteerak, bidaia programatuak.
JOKOAK: Herri-jokoak, mus txapelketa, txintxoia, petanka jokoa, boloak…
LAN-IKASTAROA, hitzaldiak eta hainbat jarduera.
OSPAKIZUNAK: Bazkidearen eguna, festetako bazkaria, erromeria, inauterietako jaiak

EZKABA ABESBATZA
Abesbatza musikarekiko gustua partekatzen duten emakume eta gizonek osatzen dute. Jarduerak egiten dituzte adinekoen zentroetan, ekitaldietan, tokiko jaialdietan…

Korua ostiraletan biltzen da 17:00etatik 19:00etara Ostokin. Abesbatzako kide izan nahi baduzu, jar zaitez harremanetan Antoniorekin 697 34 23 97 telefono zenbakian.