Euskara Zerbitzua

1991. urte bukaeratik, Antsoaingo Udalak Euskara Zerbitzua dauka (garai batean Patronatua izandakoa). Zerbitzuaren helburu nagusia euskararen egoera normalizatzea da, eta, bide horretan, hamaika gai, lan ildo eta programa jorratu dira urte guzti hauetan; horietako asko Nafarroako beste euskara zerbitzuekin elkarlanean. Gaur egun, Euskara Zerbitzuak bi eremu nagusi banatzen ditu lanerako: Udala bera eta udalerria.

Kontaktua

Teknikaria

  • Udaleko euskara teknikaria: Elvira Lizeaga Urdanpilleta

 

LAN ILDO NAGUSIAK

Udaleko lan ildo nagusiak

  • Udaleko langileen euskara ikastaroak: euskara ikastaroak eskaintzen zaizkie, trinkoak nahiz estentsiboak, eta, hala nahi duten langileek, aukera izan dezakete formazio planetan sartzeko.
  • Herritarrek euskara erabiltzeko duten eskubidearen alde lanean ari gara; eta, jendaurreko hizkuntza idatzia euskaraz ere ager dadin, itzulpenak egiten dira, inprimakiak, egiaztagiriak, programak… prestatzeaz gain.
  • Beste udal zerbitzuetan elkarlana egiteko zeharkako lan lerroak eta planak dauzkagu, euskararen erabilera horietan ere indartu dadin.

Udalerriko lan ildo nagusiak 

  • Euskararen transmisioa: familian euskararen transmisioa lantzeko eta indartzeko egitasmoa da. Hainbat adin tartetan erabiltzeko material bereziak sortzen, ekoizten eta banatzen dira, haurren etxeetara eramateko.
  • Eskolatze kanpaina: hiru urteko haurren matrikulazio kanpaina bultzatzen da D ereduan. 
  • www.era.eus: euskaraz ikasten duten haurren gurasoei laguntza eta baliabideak eskaintzeko eta seme-alaben ikas-prozesua osatzeko. Euskaraz dakiten eta ez dakiten gurasoek aholkularitzarako artikuluak eta bideoak aurkituko dituzte, eskolaz kanpoko Nafarroako eskaintza eta kultur agenda.
  • Aisialdiko jarduerak: garrantzitsua da oso Antsoaingo haur eta gazteek euskara aisialdiko guneetan erabiltzeko aukera izatea. Helburu horrekin, udako kanpalekuak antolatzen dira eta ikasturtean Larunblai euskarazko aisialdi programa eskaintzen da LHko ikasleentzat.
  • Helduak euskalduntzeko egitasmoak: Antsoaingo helduen euskalduntzea bultzatzen da. Ikastaroak antolatzen  dira, kanpainak egin eta aholkularitza eskaintzen zaie herritarrei.
  • Euskara ikasteko dirulaguntzak: Antsoainen erroldatutako euskarskara ikasleentzat (ikus baldintzak).
  • www.elaide.eus: proiektu hau euskara ikasleei bideratua dago. Bertan aurkituko dituzte ikasketekin laguntzeko behar dituzten baliabideak, eta euskarazko kultur agenda, agenda soziala eta aisialdian erabiltzeko hainbat liburu, bideo, pelikula…
  • Mintzakide programa: honen bidez, euskara erabiltzeko gune bat ematen zaie euskara ikasten ari direnei eta euskara ahaztuta dutenei.
  • Euskarazko produktuen Katalogoa: 0-16 urtekoentzat eta haien gurasoendako euskarazko produktuak (aisialdirako eta ikasketetarako).
  • Euskaldunen fitxategia: Euskara Zerbitzuaren jardueren informazioa eta berriak zuzenago eta modu eraginkorragoan helarazteko.
  • Euskara Merkataritzan: Antsoaingo merkatariei doan eskaintzen zaien programa bat da. AHIZE enpresaren bitartez egiten da eskaintza.
  • Ze Berri?: euskara eta euskal kulturari buruzko informazioa zabaltzen duen aldizkaria.
  • Dirulaguntzak: Ezkaba ikastetxeari eta beste zenbait elkarte eta erakunderi.
  • Tailerrak: Euskara Zerbitzuak tailerrak eskaintzen ditu nagusiki gurasoentzat.  Saio horietan aholkuak ematen zaizkie  hizkuntzak etxean kudeatzeko, eta, bestalde, euren seme-alaben heziketa prozesuetan parte-hartzea errazteko.
  • Formazio saioak: Euskara Zerbitzuak formazio  antolatzen ditu helduentzat, eta saio horietan euskara eta praktika sozialei buruzko gaiak lantzen dira.
  • Kanpainak, programak eta ekintzak: helburu zehatzen arabera antolatzen dira, eta urtero aldatzen dira.
  • Bai esan? Agenda; Azaroa Kultur Aroa; liburutegirako materialak; egutegiak; Euskararen Eguna; Administrazioan euskaraz kanpaina; hizkuntzalaritza alorreko aholkularitza…

Antsoaingo Udaleko Euskara Zerbitzuaren sorrera eta haren Antolaketaren eta Funtzionamenduaren gaineko Erregelamendua. Behin betiko onespena.27. ALDIZKARIA – 2009ko martxoaren 4a(Tamaina 53Kb)

Antsoaingo Udalak fitxategi bat dauka, euskararen sustapenerako komunikazioak ahalik eta eraginkortasun handienarekin egiteko. Datuak Babesteko Espainiako Agentzian alta emanda dago fitxategi hori. Antsoainen erroldatutako herritarrek borondatez lagatako datuekin osatzen da fitxategia, eta bertan parte hartzen duen orok eskubidea dauka datuak sartzeko, zuzentzeko, baliogabetzeko eta uko egiteko Datu Pertsonalen Babesari buruzko abenduaren 13ko 15/1999 Lege Organikoan ezarritakoari jarraiki.

Baja eman edo datuak aldatzeko Euskara Zerbitzura jo behar da.

Galdetegia 14 urtetik beherakoak (48,1 Kb)

Galdetegia helduak (48 Kb)
[/servicio_shortcode]

Euskarazko baliabideak interneten
Ze Berri?
Bai esan? Agenda
Euskarazko produktuen katalogoa www.katalogoa.eus
Larunblai
Euskaraldia
Euskara ikasteko diru-laguntza
Udako kanpalekuak
Euskarazko udako kanpaldietarako diru-laguntzen deialdia.
D eredua, eleaniztasun eraginkorra
Euskara ikasleei laguntzeko, elaide. elaide.eus
MINTZAKIDE. Hitz egin nahi dut
Beste jarduera batzuk