Antsoaingo Udalak lizitazio deialdi bat zabaldu du herriko kirol-instalazioetako jatetxea eta futbol-zelaiaren ondoko kasetaren ustiapena eskuratzeko. Kontratuak lau urteko iraupena izango du eta hainbat udal-instalaziotan kokatutako salmenta-makinen kudeaketa ere barne hartzen du. Taberna joan den urtarriletik itxita dago, iaz deitutako lizitazioa hutsik gelditu baitzen.

Lizitazioan parte hartzeko eskaerak Nafarroako Lizitazio Elektronikoaren Plataformaren (PLENA) bidez aurkeztu behar dira, Nafarroako Kontratazioaren Atarian (https://portalcontratacion.navarra.es/eu/) argitaratutako lizitazio-iragarkian sartuz.

Interesatuekin zerikusia duten komunikazio eta prozedura guztiak plataforma horren bidez egingo dira.

Eskaintzak aurkezteko epea 2024ko apirilaren 7an amaituko da.