Abonatuak instalazioan sartu eta bertatik atera ahal izanen dira telefono mugikorra erabiliz

Idaki kiroldegiak QR kode bidezko sarbide-sistema berria jarri du martxan, abonatutako pertsonen sarrera eta irteera errazteko. Sistema berriak orain arteko txartel fisikoaren erabilera osatzen du.

Kodea Idakiren webguneko eremu pertsonalean eskuragarri dago. Bertara sartzeko, honako urratsak jarraitu behar dira:

1. https://idaki.org/eu webgunean sartu.
2. Goiko aldean, lupa ikonoaren ondoan dagoen «Intranet» aukera sakatu.
3. Hautatu «Identifika zaitez».
4. Identifikatzaile gisa helbide elektronikoa idatzi eta pasahitza sartu. Pasahitza aldatu ez bada, NANaren azken bost zenbakiak erabili behar dira, letrarik gabe.
5. Eremu pertsonalaren barruan, sakatu goiko aldean dagoen QR kodearen ikurra.

Kodeak balio-epe mugatua du. Iraungitzen denean, sistemak automatikoki kode berri bat sortzen du.

Sarbidea azkarrago egiteko, gomendagarria da eremu pertsonalerako lasterbidea mugikorraren hasierako pantailan gordetzea.

Informazio gehiago nahi izatekotan, 948 14 07 82 telefono zenbakira deitu edo idaki@ansoain.es helbidera idazteko aukera dago.

Espazio Hidrotermala abuztuaren 1ean irekiko da

Idakiko Espazio Hidrotermala abuztuaren 1ean, larunbatean, irekiko da berriro. Ordutegia honako hau izanen da: astelehenetik larunbatera 09:30etik 22:00etara, eta igande nahiz jaiegunetan 09:30etik 14:30era. Igerilekuak ordutegia amaitu baino 30 minutu lehenago itxiko dira.

Kirol Bonua abuztuaren 3an itzuliko da

Kirol Bonuak barne hartzen dituen jarduerei abuztuaren 3an, astelehenean, berriz ekinen zaie.  Hilabete honetako eskaintzan spinning, mugikortasun eta luzaketa saioak, jumping, pilates, GAP, TRX, indar osasungarria, total pump eta HIT izanen dira.

Igerilekuko jaia ostiralean

Bihar, Idakik igerilekuko festa tradizionala ospatuko du. Uretako puzgarriak 17:00etatik 20:00etara erabilgarri izanen dira.

Horrez gain, 3×3 futbol eta hiruko jaurtiketen txapelketak, igerilekuko tabernan eginen den mus txapelketa azkarra, haurrentzako antzerkia eta tabernako txokoan eskainiko den musika emanaldia izanen dira.