Zerrendak  Educa Portalean kontsulta daitezke . Sartzeko, identifikazio-bide hauetako bat izatea beharrezkoa da:

• Educako erabiltzailea eta pasahitza.
• Ziurtagiri elektronikoa
• Cl@ve sistema.    CL@VEko alta udaletxean bertan lor daiteke, 8: 30etik 14:00etara.

Las listas se pueden consultar en Educa Portal. Para acceder, es necesario disponer de uno de los siguientes medios de identificación:

• Usuario y contraseña de Educa
• Certificado electrónico
• Sistema Cl@ve . El alta en CL@VE se puede obtener en el ayuntamiento de forma presencial en horario de 8:30 a 14:00 horas.

OHARRAK:

1. Erreklamazioak, zuzenketak edo uko egiteak egiteko aldia:
   1. Maiatzaren 6tik 12ra (biak barne)
   2. Antsoaingo Udalean Eskabide Orokorra aurkeztuz, erregistro elektronikoz edo aurrez aurre, erreklamazio edo zuzenketa hori justifikatzen duen dokumentazioa erantsiz.
2. Behin betiko zerrendak argitaratzea: maiatzak 15
3. PLAZARI BURUZKO INFORMAZIO GARRANTZITSUA: Haurra 2025-2026 ikasturtean matrikulatuta dagoen ikastetxea ez den beste ikastetxe batean behin betiko onartzeak, automatikoki, jatorrizko ikastetxean eskola-plaza galtzea ekarriko du (2026-2027 ikasturterako ondorioekin). Egungo plaza mantentzeko prozesuan jarraitu nahi ez badu, uko egitea Educa Portalen bidez aurkeztu beharko da, maiatzaren 6tik 12ra bitartean..

Informazioa eta dokumentazioa

Resolución 6-2026 de 22 de enero del director general de Educación por la que se aprueba el proceso de admisión en centros de primer ciclo de educación infantil de la Comunidad Foral de Navarra sostenidos con fondos públicos para el curso 2026-2027

Familientzako informazio orokorra

Onartzeko eskaera

Onarpen-prozesuaren datak eta epeak

Onarpen-baremoa

Eszedentzia aitorpena

Diru sarreren zinpeko aitorpena

Argibide gehiago eta kontaktua

Hurrengo egunetan informazio gehiago baita inprimaki ereduak argitaratuko dira.

Zalantzak edo argibide gehiago izateko:

Tel: 948 14 65 24

einfantil@ansoain.es

San Cristobal Haur Eskola Antsoaingo Udalaren zerbitzu publikoa da. 1979an sortu zen, Haur Hezkuntzako Lehen Zikloa eskaintzen du eta 4 hilabetetik 3 urte bitarteko haurrak hartzen ditu.

Taldeak

Ikasturtearen hasieran, duten adinaren arabera taldekatzen dira ikasleak, eta bi hizkuntza-eredu eskaintzen zaizkie: euskara eta gaztelania.

• 4 eta16 hilabete bitarteko haurrak (gutxi gorabehera): gela 1 euskaraz eta gela 1 gazteleraz.
• 17 eta 31 hilabete bitarteko haurrak (gutxi gorabehera): gela 1 euskaraz eta gela 1 gazteleraz.

Ordutegia

08:00-16:00etara zabalik dago eskola, eta jardunaldi osoa eskaintzen da, jantoki zerbitzuarekin eta lo-kuluxkarekin.

Sarrera 08:00-09:30era da, eta irteera, berriz, 14:45-16:00etara. Sartzeko eta ateratzeko ordutegiak ikasturte hasieran zehazten dira, familia bakoitzarekin eta egunero, gehienez 7 ordu egon daitezke.

Bazkalosteko irteera adosteko aukera dago, lo-kuluxkarik gabe, betiere gelako haurren erritmoari eta Haur eskolako funtzionamenduari eragiten ez badio.

Egutegia

Ikasturte bakoitzerako, Haur eskolak proposatutako egutegia onartzen du Hezkuntza Sailak. Gutxi gorabehera, abuztuaren 16an hasi eta ekainaren 30ean bukatzen da ikasturtea.

Izen-emate epea

Nafarroako Gobernuaren Hezkuntza Departamentuak finkatzen du epea urtero. Azken urteotan, martxoaren lehenengo hamabostaldian izan da. Informazio horren berri ematen da, Udalaren web orrian, iragarki-oholetan eta Haur Eskolan.

Epe horretatik kanpo ere eskabideak aurkez daitezke. Kasu horietan, eskaera berriak ez dira barematzen, baina, plaza baldin badago, matrikula zuzenean egiten da. Kontrako kasuan, eskabideak itxaron zerrendan geratzen dira eta izen-emate ordenaren arabera onartzen dira.

Baremoa

Eskaerak ondorengo irizpideen arabera baloratzen dira: familiaren lan-egoera, bizilekuaren edo lantokiaren eta Haur Eskolaren arteko hurbiltasun geografikoa, seme-alaben kopurua, per capita errenta, seme edo alaba bat baino gehiagoren eskaera egitea eta kasua bada, familia-egoera bereziak (familia ugaria…).

Tarifak

Tarifak Nafarroako Gobernuko Hezkuntza Departamentuak ezartzen ditu ikasturte bakoitzerako, eta 10 kuota-tarte daude, familiaren errenta-mailaren arabera.

Hezkuntza taldea

Taldea 14 emakumerekin osatuta dago: 10 hezitzaile, sukaldari 1, sukalde garbiketako laguntzaile 1, garbitzaile 1 eta zuzendari 1.

Helburuak

• Hezkuntza-ingurune segurua, kalitatezkoa eta ongizatea eskaintzea, haur guztiek beren gaitasun guztiak garatzeko aukera izan dezaten: kognitiboak, motrizitatearen arlokoak, emozionalak eta sozialak.
• Haurrak, familiak eta langileak elkartzeko toki bat eskaintzea, harrera egiteko, hitz egiteko, entzuteko, errespetatzeko eta zaintzeko gune bat daukatela senti dezaten.
• Haurren eskubideak eta haurtzaroaren kultura defendatzea.

Lana nola egiten dugu?

• Haur bakoitzaren ezaugarriak, garapen momentua eta interesak errespetatuz.
• Mugimendu librea eta haurren garapen autonomoa bultzatuz.
• Haur bakoitzarekin fisikoki eta emozionalki egonez, zaintza momentu guztietan.
• 0 eta 3 urte bitarteko haurren ezaugarri ebolutiboetara, beharretara eta interesetara egokitutako tokiak, materialak eta proposamenak eskainiz.
• Familiei arretarako eta entzuteko lekua nahiz denbora eskainiz.
• Seme-alaben hezkuntza prozesuan, laguntza profesionala eskainiz familiei.
• Lan taldean hausnartuz eta etengabeko prestakuntza eginez.

Helbidea: Mendikale 16. 31013 Antsoain

Telefonoa: 948 14 65 24

Posta elektronikoa: einfantil@ansoain.es