Herriko 18 erakunde elkarrekin eta lankidetzan ari dira Antsoaingo Eguna antolatzen, ekainaren 8an ospatuko baita. Aitzineko urteetan bezala, denetariko ekitaldiak izanen dira, hala nola erraldoiak, kirola, musika, herri bazkaria edo dantzaldia eguna ederki ospatzeko. Aurten, lehen aldiz, kroketa lehiaketa antolatu da festara jende gehiago erakartzeko asmoz.

11:00etatik 14:00etara izanen da eta Antsoaingo gastronomia elkarte guztiek hartuko dute parte. Era berean, arte gune bat paratuko da sakanpea plazan 11:00etatik aitzina. Gainerakoan, talde jolasak Harrobiren eskutik Udaletxe plazan, 17:00etan hasita, eta ‘Maldita Amusia’ herriko taldearen kontzertua, 19:00etan, Lapurbide plazan.