Abuztuaren 2an, ostirala, Idakiko igerilekuaren eguna ospatuko da, ekitaldiz betetako programa batekin. Goizean, kiroldegian jarritako pista puzgarrian, 12 eta 16 urtez azpiko 3×3 futbito txapelketak jokatuko dira. Eskolako patioan aldiz, saskibaloiko hirukoen lehiaketa burutuko da. Arratsaldean, 17:00etatik 20:00etara, uretako puzgarriak izango dira igerilekuan, eta era berean lehorreko puzgarriak berdegunean. 20:00etan, “Moby Dick” antzerki emanaldia izango da askaldegian, eta 21:30ean musika emanaldia hasiko da tabernako txokoan.

Antsoaingo Udalaren nahia da  pertsona guztiek gozatzea egun berezi honetaz. Giro aparta espero da, baita gozatzeko aukera asko ere.