Antsoaingo Haur Eskola Hezkuntza Proiektu berria prestatzen hasi da. Dokumentu horrek datozen urteetarako zentroaren ildo pedagogikoak, antolakuntzakoak eta komunitarioak zehaztuko ditu.
Proiektua 2026. urtean zehar garatuko da, hezkuntza-taldearen, familien eta komunitateko hainbat eragileren inplikazioa izanen duen prozesu parte-hartzaile baten bidez.
Helburua hezkuntza-estrategia partekatu bat zehaztea da, zentroaren jarduna gidatuko duena eta udalerriko zaintza-sarean duen eginkizuna indartuko duena, Antsoaingo 2024-2030 Plan Estrategikoarekin eta “Antsoain, Zaintzen duen Herria” udal ekimenarekin bat etorriz.
Lehen fasean, zentroaren funtzionamenduari buruzko informazioa aztertu da; besteak beste, lan-giroaren inguruko azken azterketa eta antolakuntza-auditoretzaren emaitzak. Diagnostiko horretatik abiatuta, hainbat lan-saio egiten ari dira hezkuntza-taldearekin, eskolaren nortasun pedagogikoa, balioak, antolaketa-eredua eta jarduna gidatuko duten oinarri metodologikoak zehazteko.
Era berean, familien eta komunitateko beste eragile batzuen parte-hartzea sustatzeko saioak ere antolatu dira, haien iritziak jaso eta eskolak inguruarekin duen harremana sendotzeko asmoz.
Prozesua amaitzean, Hezkuntza Proiektu berriak jarraipen-sistema bat izanen du, haren garapena ebaluatu eta sor daitezkeen beharretara egokitzeko aukera emanen duena.
Antsoaingo Udalak eta gainerako erakunde antolatzaile zein laguntzaileek atzo aurkeztu zituzten Oroimenaren Astearen hirugarren edizioa eta La Fuga mendi lasterketaren bigarre...
Antsoaingo Udalak aurtengo jaietako kartelak aukeratzeko lehiaketa deitu du. Lehiaketa bi kategoriaz osatuta dago: 15 urtetik beherakoena, herriko haurrentzat soilik, eta 16 u...
Azken orduetan UGT eta SPPME sindikatuek Antsoaingo Udaltzaingoari buruz zabaldutako informazioen harira, Udalak beharrezkotzat jotzen du herritarrei erantzun lasai, argi eta ...
