2024ko urtarrilak 22

Hiri-kontribuzioaren gaineko zergaren kuotaren % 90erainoko hobaria eskatzeko epea zabalik dago

Foto noticia

Antsoaingo Udalak 2024rako ireki du hobari hori eskatzeko epea, 2024ko otsailaren 15ean amaituko dena.

Hobariaz baliatu ahal izateko, eskatzaileek honako baldintza hauek bete behar dituzte 2024ko urtarrilaren 1ean:

  1. Etxebizitza zergadunaren ohiko etxebizitza izatea, eta bertan erroldatuta egotea.
  2. Guraso bakarreko familiak izatea, guraso bakarreko egoeran, familia ugariak, kotizaziorik gabeko pentsiodunak, errenta bermatuaren hartzaileak edo bizitzeko gutxieneko diru-sarreraren jasotzaileak.

Kotizaziorik gabeko pentsioak, errenta bermatukoak edo bizitzeko gutxieneko diru-sarrerakoak jasotzen dituzten pertsonen kasuan, hobaria kontribuzio-kuotaren %90era iristen da.

Guraso bakarreko familien, guraso bakarreko egoeran eta familia ugarien kasuan, hobariak errentaren araberako baremo batzuk ditu, %25etik %90era bitartekoak, 175 euroko mugarekin:

Per capita errenta < 5.000 euro %90
Per capita errenta 5.001etik 12.000 eurora bitarte %50
Per capita errenta, 12.001 euro eta lanbide arteko gutxieneko soldata halako 4tik beherakoa, edo horren parekoa %25

Eskaera bi modu hauetako batean egin daiteke:

  1. Modu telematikoan, Udalaren web orriaren bidez: www.ansoain.es. Hau da aukerarik onena eta gomendatzen dizuguna, erosoena eta arinena baita.
  2. Aurrez aurre, udaletxeko bulegoetan, astelehenetik ostiralera, 8:30etik 14:00etara.

Honako dokumentazio hau aurkeztu behar da:

  1. Erantsitako ereduaren arabera sinatutako eskabidea
  2. NANaren fotokopia
  3. Familia ugaria edo guraso bakarrekoa dela egiaztatzen duen ziurtagiria
  4. Kotizaziorik gabeko pentsioa, errenta bermatua edo bizitzeko gutxieneko diru-sarrera emateko ebazpena
  5. 2022eko errenta aitorpena

Hobari-eskaera jaso ondoren, Zerga Kudeaketako Zerbitzuak egiaztatuko du ordenantza fiskalean aurreikusitako baldintzak betetzen direla. Hala bada, hobariaren ehunekoa aplikatuko da.

Eskaera

NOTICIAS RELACIONADAS

Imagen Baditugu jaietako kartelak

Baditugu jaietako kartelak

2023ko Antsoaingo jaietako kartelen lehiaketako epaimahaiak aukeratutako bost kartelen bozketa amaituta, jakinarazten dizuegu  Maximiliano Ezequiel Cosatti Espindolaren  “...

Imagen Aukeratu jaietako kartela

Aukeratu jaietako kartela

Antsoainen erroldatutako 16 urtetik gorako herritarrek 2024ko Antsoaingo jaietako kartela aukeratu ahal izango dute, epaimahaiak aukeratutako 5 kartel finalisten artean. Perts...

Facebook
Twitter
Instagram
Volver arriba