Kirola haurtzaroan eta gaztaroan egiteak mesede egiten dio hazkuntza fisikoari eta mentalari eta, horrez gain, onada sozializazioa, diziplina eta konfiantza sustatzeko, eta behar bezalako oinarriak sortzen ditu etorkizunean bizitza aktiboa eta osasungarria izateko. Hori dela eta, oso aukera ona da Kirol Zerbitzuak eta kirol klubek eskaintzen dituzten jardueretako batean parte hartzea. Izan ere, urriaren 1ean kirol eskolen denboraldia hasiko da,bai eta 60 urtetik gorakoendako jarduerak eta igeriketa ikastaroak eta klubak ere (lehiaketa egutegia dutenak izan ezik).

Izena emateko epea amaiturik, oraindik ere bada lekurik Kirol Eskoletan. Kirol Zerbitzuan emanen dizute informazioa (948 13 22 88, kirolak@ansoain.es, Idaki). Umetxo, haur eta helduendako igeriketa ikastaroetan, oraindik ere badago izena emateko aukera www.idaki.org webean edo Kirol Zerbitzuan. 60+ jardueretan, gimnasia, aquagym eta indarra lantzeko tailerra bete dira, baina bada lekurik 60 urtetik gorako igeriketan (izen-ematea Idakiko harrera-lekuan edo www.idaki.org).