Joan den asteartean, Antsoaingo antzokian, Ariketa Fisikoa Egiteko Errezeta programan parte hartu duten pertsonei diplomak banatu zitzaizkien, jarduera fisikoarekin duten konpromisoa eta parte-hartzearen aitorpen gisa.

Marta Díez Napal herriko alkateak, Sandra Muñoz NKJFIko zuzendariordeak, zinegotzi batzuek eta osasun-etxeko eta udaleko kirol saileko ordezkariek eman zizkieten aintzatespen horiek ikasturte honetan programan parte hartu duten 100 pertsona baino gehiagori.

Ekitaldian zuzendutako entrenamendu-saioen eta elkarrizketen bideoak ikusi ziren. Azken horietan, parte-hartzaileek programarekin izandako esperientziak kontatu zituzten.

Ariketa Fisikoa Egiteko Errezeta osasun-etxetik patologia desberdinak dituzten pertsonei kirol-jarduerak preskribatzean datza, haien bizi-kalitatea hobetu ahal izateko. Jarduera hau Idakin egiten da, profesionalek zuzenduta.