Antsoaingo Udalak “Adimen artifiziala zure negozioaren kudeaketa eta komunikazioa hobetzeko” prestakuntza-zikloa amaitu du. Ekimena herriko merkataritzari zuzenduta dago eta martxoaren 11, 18 eta 25ean egin da herriko liburutegi publikoan.

Ikastaroan 10 merkatarik hartu dute parte, eta modu praktikoan hurbildu ahal izan dira adimen artifizialak enpresa-esparruan eskaintzen dituen aukeretara. Ione Barcos MKkomunikazioko profesionalak eman du prestakuntza, komunikazioan eta negozioari aplikatutako tresna digitaletan espezializatua.

Saioetan ChatGPT eta Gemini bezalako tresnak landu dira, establezimenduen eguneroko kudeaketa hobetzeko, prozesuak optimizatzeko eta bezeroekiko komunikazioa indartzeko, batez ere ingurune digitalean.

Tailer hau doakoa izan da parte hartzaileentzat, COIINAren (Nafarroako Industria Ingeniarien Elkargo Ofiziala) bitartez bideraturiko Europako funtsen finantzaketari esker.

Programaren jarraipen gisa, aste honen amaieratik aurrera negozio bakoitzean tutoretza pertsonalizatuen fase bat hasiko da, eskuratutako ezagutzak zuzenean aplikatzeko eta tresnak saltoki bakoitzaren errealitatera egokitzeko helburuarekin.