Nafarroako Gobernuko aurrekontuei egindako zuzenketa izendun baten bidez, Antsoaingo Udalak bizikletak konpontzeko bi gune paratu ditu udalerrian herritarren zerbitzura. Horietako bat autokarabanen aparkalekuan dago, bestea Iparreko Errondaren ondoan, Larrazko eta Ermitapea bidegurutzean.

Gune horiek bizikleta egituran kokatzea ahalbidetzen dute, eta balbula anitzeko moldagailuko ponpa bat dute, baita tresna asko ere (askotariko bihurkinak, giltza allen, giltza finko, ingeles eta desmuntagarrien kit bat). Halaber, konponketak azaltzeko bideoak ikusten ahal dira QR kode baten bidez. Eta, bizikletaren garbiketa errazteko, ur hargunea eta  mahukak dituen horma bat eraiki da.