Antsoaingo Udalak herriko leku kritikoen gaineko azterlan bat enkargatu du, esparru publikoan segurtasunik eza era- giten duten lekuak, elementuak edo faktoreak identifikatu eta zehazteko eta, horrekin batera, emakumeendako herri seguru eta atsegina lortzeko proposamenak lantzeko.
Emagin elkarteak zuzendurik, azterlanak leku horietan esku hartzeko proposamen zehatzak ekarriko ditu, bai eta epe luzerako proposamen orokorrak ere. Halaber, ikusgaitasun handiagoa eman nahi zaio egoera bidegabe horri eta banakako zein taldekako prozesu bat sustatu, emakumeak aldaketa politiko eta sozialerako eragile izan daitezen.
Saio irekiak urrian eta azaroan
Prozesu parte-hartzailean 3 saio eginen dira urriaren 15ean eta 22an, eta azaroaren 4an. Lehenbizikoan, gaiaren inguruko sentsibilizazioa eginen da (segurtasunean/segurtasun gabezian oinarritutako adierazleen eraikuntza eta lehen identifikazioak: lekuak, giroak, sozialak); bigarren saioan leku kritikoak identifikatuko dira (lehen mapa-lana leku kritikoak identifikatzeko), eta hirugarrenean, berriz, proposamenak landuko dira.
Antsoaingo Udalak eta gainerako erakunde antolatzaile zein laguntzaileek atzo aurkeztu zituzten Oroimenaren Astearen hirugarren edizioa eta La Fuga mendi lasterketaren bigarre...
Antsoaingo Udalak aurtengo jaietako kartelak aukeratzeko lehiaketa deitu du. Lehiaketa bi kategoriaz osatuta dago: 15 urtetik beherakoena, herriko haurrentzat soilik, eta 16 u...
Azken orduetan UGT eta SPPME sindikatuek Antsoaingo Udaltzaingoari buruz zabaldutako informazioen harira, Udalak beharrezkotzat jotzen du herritarrei erantzun lasai, argi eta ...
