Antsoaingo Udalak Euskararen Udaberriaren edizio berri bat antolatu du apirilaren 28tik maiatzaren 15era bitartean. Ekimenaren helburua euskararen erabilera sustatzea da, kultura, aisialdia eta herritarren parte-hartzea ardatz hartuta.
Egitarauak publiko guztiei zuzendutako proposamenak biltzen ditu, eta apirilaren 28an emanen zaio hasiera, Guillermo Roa Elhuyarreko kideak eguzki-eklipsearen inguruan eskainiko duen hitzaldiarekin. Hurrengo egunean, haurrentzako ipuin-kontalari saioa eta Garikoitz Goikoetxea soziolinguistaren Esnatu ala hil! liburuaren aurkezpena izanen dira liburutegian.
Maiatzean beste hainbat jarduera eskainiko dira: Xabier Urizarrek gidatutako txokolate dastaketa, bertso afaria Sarai Robles, Joannes Ilarregi eta Sustrai Colinarekin, eta Patxo Telleriaren Ai, gure juaneteak! antzerki emanaldia. Zikloa Bide Ertzean taldearen kontzertu batekin itxiko da. Taldeak Non dira diskoaren 20. urteurrena ospatuko du, eta urte luzez geldirik egon ondoren, kontzertu honetarako soilik elkartuko da.
Antsoaingo Udalak eta gainerako erakunde antolatzaile zein laguntzaileek atzo aurkeztu zituzten Oroimenaren Astearen hirugarren edizioa eta La Fuga mendi lasterketaren bigarre...
Antsoaingo Udalak aurtengo jaietako kartelak aukeratzeko lehiaketa deitu du. Lehiaketa bi kategoriaz osatuta dago: 15 urtetik beherakoena, herriko haurrentzat soilik, eta 16 u...
Azken orduetan UGT eta SPPME sindikatuek Antsoaingo Udaltzaingoari buruz zabaldutako informazioen harira, Udalak beharrezkotzat jotzen du herritarrei erantzun lasai, argi eta ...
