2023ko azaroak 23

Kirol Zerbitzuak Bikaintasunaren Saria jaso du

Foto noticia

Atzo, azaroaren 22an, Nafarroako Unibertsitatean ospatu zen Bikaintasunerako Nafarroako Fundazioaren ekitaldian, Kirol Zerbitzuak Bikaintasunaren saria jaso zuen erabiltzen duen kudeaketa aurreratuko sistemagatik.

Marta Díez Napal alkateak eta Alfredo Osés kirol teknikariak saria jaso zuten Kirol Zerbitzuaren izenean.

Zerbitzu hau kudeaketa aurreratuko sistemagatik saritua izan da, herritarrei eskaintzen zaizkien kirol zerbitzuen kalitatea hobetzea posible egin baitu. Sariak herrian kirola eta jarduera fisikoa sustatzeko egindako lanaren eta bikaintasuna zein hobekuntzarekiko konpromisoaren errekonozimendua inplikatzen du.

Bikaintasunerako Nafarroako Fundazioa irabazi-asmorik gabeko erakunde pribatua da eta enpresa-patronatu batek kudeatzen du. Nafarroako enpresa eta erakundeei lehiakortasuna, eraginkortasuna eta efizientzia hobetzen laguntzen die, kudeaketa-sistemak hobetuz.

Bikaintasunerako bidean, hainbat ziurtagiri eta aurrerapen-maila ematen ditu. Antsoainek “Bikaintasuneranzko konpromisoa” saria jaso du Gardena programaren esparruan, kirolaren arloan hobetzeko kudeaketa aurreratuko ereduaren arabera.

Alfredo Oses kirol teknikariaren hitzetan, “Antsoainen, kirola herritarren ongizatearen funtsezko zutabeetako bat da. Sari honek udaleko kirol sailean lan egiten dugun pertsonen ahalegina eta konpromisoa ikusgarri egiten ditu, herritarrei ahalik eta zerbitzurik onena emateko. Gure zerbitzua etengabe hobetzea helburu duen lan-ildo horretan jarraituko dugu”.

NOTICIAS RELACIONADAS

Imagen Lapurbide literatur lehiaketa

Lapurbide literatur lehiaketa

Lapurbide Literatur Lehiaketak 36. edizioa beteko du aurten, eta ekainaren 26ra arte egongo da zabalik euskarazko edo gaztelaniazko lanak jasotzeko. Lanek argitaragabeak eta 3...

Facebook
Twitter
Instagram
Volver arriba