Noain Anaiak-Mendikale-Lapurbide eremuko korridore berdea asfaltatzearean eta Harrobi kaleko oinezkoentzako pasabideen egokitzapenaren ondorioz, apirilaren 3an eta 4an hainbat trafiko-eten eginen dira.

Bi egun horietan ezin izanen da errondatik Antsoainera Harrobi kaletik sartu, eta Mendikale eta Harrobi kaleak moztuko dira.

Mendikaleren kasuan, trafikoa Harrobi kaletik moztuko da, garaje komunitariora sartzen diren ibilgailuentzat izan ezik. Garajetik ateratzen diren ibilgailuek soilik Harrobi kaletik hurbilen dagoen atea erabili ahal izanen dute. Lanak hasten direnean Mendikalen aparkatuta dauden ibilgailuak kontrako norabidean atera beharko dira Harrobi kalearekiko bidegurutzeraino, arreta handiz ibiliz.

Harrobi kaleari dagokionez, PA-30 errepidetik Noain anaiak kalearekin bat egiten duen biribilgunera doan tartean itxita egonen da. Eremu horretako garaje komunitarioetako erabiltzaileek apirilaren 3ko 10:30ak baino lehen atera beharko dituzte haien ibilgailuak, eta obrak amaitu arte ezin izanen dute garajea erabili, salbuespenezko egoeretan izan ezik. Mozketa horren eraginpeko ibilgailuek ZAR eremuan aparkatzeko baimena izanen dute eraikuntza-lanek irauten duten bitartean.

Harrobiko aparkalekuak sarbide itxia izanen du kale horretatik, eta sarrera eta irteera bakarra Barricada Taldea kalean dagoena izanen da.

Bestalde, Lapurbide kaletik Noain Anaiak kalera doan tartea (Dorreen tartea) lanek irauten duten bitartean itxita egonen da. Lapurbideko irteera Harrobi kaletik eginen da.

Harrobi-Noain Anaiak biribilgunea ere itxita egonen da, Lapurbide edo Arturo Campionetik  Harrobi kalera igotzen diren ibilgailuentzat izan ezik. Azken horiek Barricada Taldea kaletik Jose Maria Jimeno Jurioraino zirkulatu beharko dute, eta handik Mendikalera sartu eta PA-30 errepidera daraman herriko irteera erabili ahalko dute.

Jimeno Juriotik Barricada taldera sartzen diren ibilgailuak edo Harrobiko aparkalekutik ateratzen direnak kontrako norabidean biratu beharko dute biribilgunean, Barricada taldera Jimeno Jurio noranzkoan sartzeko.

Mozketak apirilaren 3tik, osteguna, apirilaren 4ko eguerdira arte iraunen dutela uste da.