2024ko martxoak 15

Antsoainek jantoki kolektibo osasungarri eta jasangarri bat aurkeztu du

Foto noticia

Dozenaka pertsona bertaratu ziren atzo Antsoaingo antzokira. Bertan, herriko adineko eta/edo desgaitasunak dituzten pertsonentzako jantoki kolektibo osasungarri eta jasangarri bat sortzeko proiektu pilotua aurkeztu zen.

Marta Diez Napal alkateak hasiera eman zion saioari, “pertsonen zainketa eta betebeharrei lehentasuna ematen dien proiektu komunitario baten alderdi berritzailea” azpimarratuz. Jarraian, Elena Ugarte Páezek, Udaleko gizarte arloko zinegotzia eta Oinarrizko Gizarte Zerbitzuen Mankomunitateko presidentea, Jon Garai Valesek, Udal Antolakuntza eta Funtzionamenduko zinegotzia, Silvia Larrañeta Armendarizek, Miruako laguntzaile teknikoa, eta Naiara Aizpuru Sagasetak, “Antsoain, zaintzen duen herria” proiektuaren koordinatzailea, ekimenaren alderdi garrantzitsuenak azaldu zituzten. Pertsona horiek guztiek, Oinarrizko Gizarte Zerbitzuen Mankomunitateko Ana Lusar Cruchagarekin batera, proiektua sustatzen duen talde eragilea osatzen dute.

Jantokiaren sorrera “Antsoain, zaintzen duen herria” proiektuak abian jarri du eta ekimen aitzindaria da Nafarroan. Era berean, Udalak datozen urteetan garatuko duen elikadura-estrategiarekin bat egiten du. Helburua hurbileko sukaldaritza kolektiboan oinarritutako zerbitzu bat eratzea da, herrian bizi diren 65 urtetik gorako eta/edo desgaitasunak dituzten pertsonentzako elikadura osasungarria eta jasangarria eskainiko duena, pertsona horien bizi-kalitatea eta autonomia indartuz eta mendekotasun zein nahi gabeko bakardade egoerak prebenituz.

Horretarako, proiektu pilotuak zehazten duenez, hurrengo udazkenean Ostokiko eguneko zentroan jantoki komunitario bat martxan jarriko da. Bertan adinekoentzako eta/edo desgaitasunak dituzten pertsonentzako janari-zerbitzua eta etxez etxeko banaketa eskainiko dira, biak Antsoaingo gizarte-zerbitzuetako etxez etxeko arreta-zerbitzuarekin lotuta.

Astelehenetik ostiralera bazkari zerbitzua eskainiko da, lehen eta bigarren platera, postrea, ogia eta ura barne hartuko dituena. Menua osasungarria eta jasangarria izango da, elikagaiek 5 irizpide betetzen dituztela kontuan hartuz: ekologikoak, tokikoak, freskoak, sasoikoak eta ekoizleek zuzenean hornituak izango dira.

Probaldian zehar, eta kostuak aintzat hartuz, etorkizunean zerbitzuak izango duen prezioa zehaztuko da, baina pilotuak irauten duen bitartean doakoa izango da. Etorkizunean zerbitzuak izan dezakeen eskariari ere erreparatuko zaio eta udalak bere esku jar ditzakeen baliabideak ebaluatuko dira. Momentu honetan, Antsoainen 65 urtetik gorako 1.800 pertsona bizi dira.

Proiektu hau 2024rako Udalaren Urteko Kudeaketa Planean jasotako 10 neurri estrategikoetako bat da eta hasierako aurrekontua 45.000 eurokoa da. Kopuru horri 30.000 euro gehitu behar zaizkio, gobernu-taldeak Nafarroako Aurrekontuei aurkeztutako zuzenketa baten bidez lortutakoak. Azken aurrekontu hori altzariak eta azpiegiturak egiteko erabiliko da. Gainera, udalak proiektuari hainbat baliabide eta azpiegitura eskainiko dizkio.

Parte-hartzaileen aukeraketa

Proban 50 pertsona inguruk parte hartuko dute, hainbat profil ezberdinen artean hautatu direnak, ahalik eta premia gehien behatzeko eta proiektua etorkizunean ahalik eta modu egokienean martxan jartzea ahalbidetuko duten ondorioak eta ikaskuntzak lortzeko. Dagoeneko dozenaka pertsonek agertu dute pilotuan parte hartzeko interesa. Izena emateko epea martxoaren 14tik apirilaren 12ra zabalik egongo da eta Lapurbideko Eguneko Zentro Komunitarioan egingo da, astelehenetik ostiralera, 10:00etatik 13:00etara.

Pertsona horiek aukeratzeko, hainbat irizpide hartuko dira kontuan, hala nola errenta, mendekotasun-egoera, elikadurarekin lotutako ohiturak, bizikidetza, generoa eta desgaitasuna, besteak beste.

GJHekin lotutako ekarpenak

Elikadura on bat izatea funtsezkoa da herritarren eta planetaren osasunerako, eta Garapen Jasangarriaren Helburu hauek indartzen ditu:

  1. GJH: Goserik ez: elikadura osasungarria eta jasangarria sustatzeak gosea desagerrarazten laguntzen du.
  2. GJH: Osasuna eta ongizatea: dieta orekatua eta osasungarria funtsezkoa da herritarren osasuna eta ongizatea sustatzeko.
  3. GJH: Ekoizpen eta kontsumo arduratsuak: dieta jasangarria sustatzeak ekoizpen eta kontsumo arduratsuak bultzatzea dakar. Horren barruan sartzen dira baliabide naturalen erabilera jasangarria, elikagaien alferrikako galera murriztea eta ingurumena errespetatzen duten nekazaritza-jarduerak sustatzea.
  4. GJH: Klimaren aldeko ekintza: modu jasangarrian eta ingurunean eragin txikia izanda ekoitzitako elikagaiak barne hartzen dituen dieta iraunkorra sustatzeak klima-aldaketa arintzen lagun dezake.
  5. GJH: Lurreko ekosistemetako bizitza: dieta jasangarria bultzatzeak berekin dakar lurreko ekosistemak babestu eta lehengoratuko dituzten nekazaritza-jarduerak sustatzea.
  6. GJH: Lurreko Ekosistemen Bizitza: dieta jasangarria bultzatzeak lurreko ekosistemak babestu eta berreskuratuko dituzten nekazaritza-jarduerak sustatzea suposatzen du.

NOTICIAS RELACIONADAS

Imagen Baditugu jaietako kartelak

Baditugu jaietako kartelak

2023ko Antsoaingo jaietako kartelen lehiaketako epaimahaiak aukeratutako bost kartelen bozketa amaituta, jakinarazten dizuegu  Maximiliano Ezequiel Cosatti Espindolaren  “...

Imagen Aukeratu jaietako kartela

Aukeratu jaietako kartela

Antsoainen erroldatutako 16 urtetik gorako herritarrek 2024ko Antsoaingo jaietako kartela aukeratu ahal izango dute, epaimahaiak aukeratutako 5 kartel finalisten artean. Perts...

Facebook
Twitter
Instagram
Volver arriba