Joan den ekainaren 5ean bukatutzat eman zen “ariketa fisikoaren errezeta” programaren 2023-2024 denboraldia, Idaki pabiloian ospatutako festa baten bidez. Ia 70 lagun bertaratu ziren ekitaldira, hilabete hauetan zehar Osasun Zentrotik programa horretara bideratuak. Programaren bidez, hainbat patologia dituzten pertsona horiek ariketa fisikoa erabili dute norberaren osasuna eta bizi-kalitatea hobetzeko. Jardunaldi berezi horretan, parte-hartzaileek saio bat egin zuten elkarrekin, eta ariketak erakutsi zizkieten Antsoaingo Osasun Zentroko medikuntza-taldeko kideei nola Marta Diez Napal alkate andereari, horiek parte hartu zutelako 2023-2024ko denboraldiari bukaera emateko azken saio horretan.

Sasoi honetan zehar, 2023ko irailean hasita, 134 bezero bideratu dira Osasun Zentrotik, horien arteko 91k arrakastaz osatu dute programa osoa (iaz 111 lagun bideratu ziren eta 62k bukatu zuten). Programako parte-hartzaileak 9 taldeetan banatuta aritu dira, patologia desberdinen arabera sailkatuak: kardiopatiak, epoc-a, diabetesa, Hta, antsietate-depresioa, obesitatea, minbizia eta bizkarreko arazoak.

Talde bakoitzak astean bi entrenamendu egin ditu Idakiko kiroldegian, eta jarduera fisikoaren eta kirolaren zientzietan graduatua dagoen hezitzaile batek banan-banan gainbegiratu ditu ariketak. Norberaren egoera fisikoa hobetzeko eduki propioak landu dira: indarra, erresistentzia, oreka, koordinazioa eta erreakzio-abiadura. Programan parte hartu duten lagunek ariketa fisikoarekiko atxikimendu altua erdietsi dute eta egiaztatu da haien osasunak hobera egin duela ariketa fisikoaren praktikari esker.

<iframe width=”560″ height=”315″ src=”https://www.youtube.com/embed/uGg0NQtpo0U?si=iE3VjGK6inuKopFy” title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>