1528 pertsonak parte hartu dute Antsoaingo 2023ko Aurrekontu Parte-hartzailerako proposamenen aukeraketan.

Urte guztietako parte-hartze maila altuena izanik, bigarren proposamena izan da irabazlea, “Udal pilotalekuko rokodromoa handitzea”, 763 botorekin; bigarrenik, “Futbol zelaiko harmailaren estalkia”, 533rekin; eta hirugarrenik, “Bizigune” proposamena, bizikletak garbitu eta konpontzeko gunea, 232 botorekin.

Bozketa azaroaren 27tik abenduaren 10era bitartean egin da.

Horrela, prozesua fase berri batean sartuko da, eta hautatutako proiektua abian jarriko da, 2024an gauzatuko dena. Aurkeztutako proposamenaren arabera, rokodromoa handitzeko proiektuaren helburua “pertsona gehiagori eskaladarako sarbidea erraztea, boulder diziplina egin ahal izatea eta hastapenerako egokiago den rokodromoa eraikitzea da”.

Parte hartze handi horren aurrean, Antsoaingo Udaletik eskerrak eman nahi dizkiegu herritar guztiei parte hartzeagatik eta, bereziki, proposamenetan lan egin duten taldeek eta pertsonek egindako lanagatik.